Përshëndetje! Dhe mirëseerdhët në projektin “Një Zë për Tropojën 2.0: Bashkëpunim për Fuqizimin e Komuniteteve Rurale në Zhvillim të Qëndrueshëm”.
Ky projekt synon të mbështesë komunitetin e Tropojës në hapa praktikë për zhvillimin e rajonit tonë në mënyrë të qëndrueshme nga pikëpamja mjedisore, sociale dhe ekonomike, si dhe të riprodhojë më tej modelin tek komunitetet e tjera të rajonit përmes 3 objektivave: 1) Fuqizimi i vendasve për të realizuar potencialin e tyre të biznesit dhe për rrjedhojë përmirësimin e mundësive ekonomike nga një model i qëndrueshëm biznesi. Kjo do të arrihet duke trajnuar një grup thelbësor të vendasve për të shërbyer si trainer bashkëmoshatarësh për një periudhë të gjatë për të ndihmuar anëtarët e tjerë të komunitetit për të filluar biznese të reja ose për të përmirësuar ato ekzistuese, si dhe duke mbështetur promovimin e biznesit të Tropojës. 2) Ndikimi i politikave në zhvillimin e qëndrueshëm mjedisor. Njerëzit lokalë do të aftësohen për të planifikuar një plan strategjik të avokimit për të ndikuar në hartuesit e politikave nga nivelet e qeverisjes lokale deri në ato ndërkombëtare për të mbështetur politikat e zhvillimit të qëndrueshëm të drejtuar nga komuniteti. 3) Forcimi i bashkëpunimit rajonal dhe krijimi i rrjeteve midis komuniteteve dhe OJQ-ve nga vendet e Ballkanit Perëndimor dhe Visegrad.
Projekti filloi në shkurt të vitit 2020 dhe do të zgjasë deri në korrik të vitit 2021. Aktivitetet e para të planifikuara ishin trajnimet për praktikat e qëndrueshme të biznesit, dhe planifikuar të sjellë ekspertë nga partnerët tanë të Vishegradit në Tropojë për të ofruar punëtori. Karantina Covid e parandaloi këtë, por duke besuar në rëndësinë e qëllimeve të projektit, ne të gjithë u riorganizuam për të prezantuar trajnimet në vend të tij në formën e videove të shkurtra të postuara online (here), mbështetur nga të paktën një takim online i quajtur “zoom” dhe një forum diskutimesh online. Shkurt – ne e bëmë projektin edhe më të mire!
